O 2 e 3 de xaneiro, de 16h a 19h, presentamos un obradoiro innovador pensado para achegar aos máis novos ao fascinante mundo da intelixencia artificial (IA) a través de ferramentas prácticas e útiles. Neste obradoiro, descubrirán como a IA pode ser unha aliada tanto para crear videoxogos sen necesidade de programar como para aplicar en tarefas do día a día, como facer esquemas, presentacións ou mesmo retocar imaxes e editar vídeos.

É unha oportunidade única para que os rapaces e rapazas desenvolvan novas habilidades dixitais nunha contorna divertida e educativa, introducíndose en técnicas de IA que lles abrirán as portas a novas formas de creatividade e aprendizaxe. Este obradoiro é ideal para espertar a súa curiosidade e mellorar as súas competencias tecnolóxicas.